IBADA YA KWANZA TAREHE 11/11/2018
SOMO: SAFARI YA IMANI.
SOMO: SAFARI YA IMANI.
1 Petro 2:2 “Kama watoto wachanga waliozaliwa sasa yatamanini
maziwa ya akili yasiyoghoshiwa, ili kwa hayo mpate kuukulia wokovu;” Maziwa
yasiyo ghoshiwa ni Neno, kwa nini Neno? Kwa sababu Neno linabeba sheria zote za
Safari yako ya Imani, Neno ambalo litakujulisha ni kipi cha kubeba au ni kipi
cha kuacha; ukiwa nalo utakuwa makini hautakwenda kama unavyotaka bali utakuwa
kama Msafiri na kufuata Neno linavyotaka.
Zaburi 1:2 “Bali sheria ya BWANA ndiyo impendezayo, Na
sheria yake huitafakari mchana na usiku.” Unapo kuwa katika safari ya Imani
hakikisha unatafakari sheria ya Neno, kwa nini? Kwa sababu hautaki kumtia Mungu
wivu kwa ajili yako.
Yoshua 1:8 “Kitabu hiki cha
torati kisiondoke kinywani mwako, bali yatafakari maneno yake mchana na usiku,
upate kuangalia kutenda sawasawa na maneno yote yaliyoandikwa humo; maana ndipo
utakapoifanikisha njia yako, kisha ndipo utakapositawi sana.” Safari ya Imani
itakuonyesha TABIA yako wewe ni nani? Je! Unaaminiwa au ni mnafiki?
Kutoka 23:20-21 “Tazama, mimi
namtuma malaika aende mbele yako, ili akulinde njiani na kukupeleka mpaka
mahali pale nilipokutengezea. Jitunzeni mbele yake, mwisikize sauti yake; wala
msimtie kasirani; maana, hatawasamehe makosa yenu; kwa kuwa jina langu limo
ndani yake.”
Wakristo wengi wanajikuta
wametandikwa na Mungu kwa sababu ya ujinga wao kwani hawafuati maelekezo.
© Mtumishi wa MUNGU Mtume na Nabii Josephat Elias Mwingira, EFATHA MINISTRY.
Comments
Post a Comment